Kuri uyu wa Kabiri, umugabo wafashwe akekwaho kwica abagore benshi no kujugunya imirambo yabo muri kariyeri ishaje yatorotse kasho ya polisi mu murwa mukuru wa Kenya, Nairobi.
Collins Jumaisi yatawe muri yombi mu kwezi gushize nyuma yo kuvumbura byibuze imirambo itandatu ipfunyitse mu mifuka ya pulasitike muri kariyeri ya Kware, kuri ubu ikoreshwa nk’ikimoteri cy’imyanda.
Umuvugizi wa polisi, Resila Onyango, yatangaje ko yatorotse stasion ya polisi ya Gigiri ari kumwe n’abenegihugu 12 ba Eritrea nk’uko tubikesha Reuters.
Polisi ivuga ko Jumaisi yemeye ko yishe abagore 42 barimo n’umugore we, ariko umwunganizi we yabwiye urukiko ko yakorewe iyicarubozo kugira ngo yemere. Abashinjacyaha bahakana ko yafashwe nabi.
