Ikipe ya Patriots BBC yitegura imikino ya Kamarampaka yatangaje ko yongeye gusinyisha Prince Ibeh Chinenye Umwongereza w’Umunyarwanda ufite inkomoko muri Nigeria.
Mu gitondo cyo kuri uyu wa Kane tariki 29 Kanama 2024, ni bwo iyi kipe yabyemeje ibinyujije ku mbuga nkoranyambaga zayo.
Uyu mukinnyi w’imyaka 30 agarutse muri Patriots BBC yaherukaga gukinira mu Mikino ya BAL 2021.
Ubwo aheruka mu Rwanda mu 2023 yafashije APR BBC kwegukana igikombe cya shampiyona yaherukaga mu 2009.
Ibeh yakiniye ikipe y’Igihugu mu mikino yo gushaka itike y’Igikombe cya Afurika ‘AfroBasket’.
Ibeh yakinnye mu bihugu bitandukanye birimo Leta Zunze Ubumwe z’Amerika, Taiwan, Uruguay, u Budage n’u Bwongereza. Uyu mu ‘Pivot’, apima metero 2.8 n’ibilo 110.
Patriots BBC izatangira Imikino ya Kamarampaka ku wa Gatanu, tariki 30 Kanama 2024, ikina na Kepler BBC saa Kumi n’Ebyiri muri Petit Stade.
