Guverinerinoma ya Repubulika Iharanira Demokarasi ya Congo yatangaje ko imfungwa 129 ari zo zishwe, ubwo ku wa Mbere tariki ya 2 Nzeri zageragezaga gutoroka gereza Nkuru ya Makala iherereye i Kinshasa.
Minisitiri w’Umutekano w’Imbere muri RDC, Jacquemain Shabani, yatangaje ko imfungwa 24 ari zo zarashwe mu cyico, izindi zirenga 100 zicwa n’umuvundo.
Uyu mutegetsi yanemeje amakuru y’uko hari imfungwa z’abagore zafashwe ku ngufu n’ubwo atigeze atangaza uko zingana.
Yavuze kandi ko hari imfungwa 59 zakomeretse kuri ubu ziri kwitabwaho n’abaganga ndetse atangaza ko hari inyubako za gereza zatwitse.
Gereza ya Makala iherereye i Kinshasa ni yo nini kurusha izindi muri Repubulika Iharanira Demokarasi ya Congo.
Ifite ubushobozi bwo kwakira imfungwa zibarirwa mu 1,500; gusa iziyifungiyemo zirengaho gato 15,000 zirimo abasirikare n’abapolisi barenga 4,000.
