Umunya-Uganda, Dr Caroline Asiimwe, usanzwe ari Umunyamabanga Nshingwabikorwa wa Komisiyo y’Igiswahili mu Muryango wa Afurika y’Iburasirazuba, yatawe muri yombi n’inzego z’umutekano zo muri Kenya, zomufatiye ku Kibuga cy’Indege cya Mombasa.
Dr Caroline Asiimwe yatawe muri yombi mu ijoro ryo ku Cyumweru tariki 22 Nzeri 2022, nk’uko tubikesha ikinyamakuru Chimpreports.
Bivugwa ko Dr Asiimwe yerekeje i Mombasa yitabiriye inama y’Umuryango wa Afurika y’Iburasirazuba ibera muri uyu mujyi guhera kuri uyu wa Mbere.
Kugeza ubu inzego z’umutekano zo muri Kenya ntabwo ziratangaza impamvu zataye muri yombi uyu mugore.
Uretse inshingano Dr Asiimwe afite muri EAC asanzwe ari n’umwarimu muri Kaminuza ya Makerere iri mu zikomeye muri Afurika y’Iburasirazuba.
