REG WBBC ikomeje kwitegura Imikino ya Kamarampaka muri Shampiyona ya Basketball yagize umunya Espagne Julian Martinez Alman umutoza mukuru asimbuye Krumesh Patel wamazemo iminsi itatu kubera impamvu z’uburwayi.
Uyu mugabo w’imyaka 54 yatoje amakipe atandukanye arimo Interclube de Luanda yo muri Angola na BC Marburg yo mu Budage.
Yabaye kandı umutoza w’ikipe ya Mozambique y’abagore muri AfroBasket yabereye i Darkar muri Senegal mu 2019.
REG WBBC yagize umwaka mwiza kuko yasoje Shampiyona isanzwe iyoboye ari iya mbere.
Mu mikino ya Kamarampaka iteganyijwe gutangira ku wa 27 Nzeri 2024, iyi kipe ya REG WBBC izahura na Kepler WBBC, mu gihe APR WBBC yabaye iya kabiri izahura na Groupe Scolaire Marie Reine Rwaza ya gatatu muri Petit Stade i Remera.
