Donald Trump uri mu biyamamariza kuyobora Leta Zunze Ubumwe za Amerika, yatangaje ko niyongera gutorwa azajyana mu nkiko ikigo cy’ikoranabuhanga cya Google.
Trump yagaragaje ko icyo kigo gikoresha uko gishoboye kikagaragaza gusa inkuru zimuvuga nabi, kigashyira imbere izivuga neza Kamala Harris bahanganye.
Abinyujije ku rubuga rwe Truth Social Trump yagize ati “Byagaragaye ko Google igaragaza inkuru mbi gusa kuri Donald J Trump, bigakorwa ku bushake mu gihe mugenzi wanjye Kamala Harris we agaragazwa neza.”
Mu ntangiriro z’uku kwezi ikigo Media Research Center cyagaragaje ko Google ishyira imbere cyane kwerekana Kamala Harris kurusha uko igaragaza Trump n’ibikorwa bye byo kwiyamamaza.
Google yahise ibihakana, ivuga ko ari ukuyisebya.
