Kuri uyu wa Kane tariki ya 3 Ukwakira 2024, Minisiteri y’Ubuzima yatangaje ko abantu 5 bari baranduye Virusi y’icyorezo cya Marburg bakize, nta wapfuye naho abakirimo kuvurwa ni 21.
Abanduye ni 37, hafashwe ibipimo 1009.
Minisitiri w’Ubuzima Dr Nsanzimana Sabin, na we ku rukuta rwe rwa X yahamije ayo makuru anashimira abita kuri abo barwayi.
Yagize ati: “Uyu munsi hakize batanu. Ejo bazataha kandi bameze neza. Dufate uyu mwanya dushimire ababavuye.”
Abaturarwanda bakangurirwa gukomeza ingamba zo gukumira icyo cyorezo by’umwihariko barangwa n’isuku.
