Igisirikare cya Israel cyatangaje ko cyishe umwe mu bayobozi bakomeye b’umutwe wa Hezbollah witwa Suhail Hussein Husseini.
Israel yatangaje ko Husseini yiciwe mu gitero cyagabwe ku birindiro bya Hezbollah muri Beirut kuri uyu wa Mbere.
Husseini bivugwa ko yari umuntu ukomeye wagiraga uruhare mu kuvana intwaro muri Iran azizaniye umutwe wa Hezbollah.
Ntacyo umutwe wa Hezbollah uratangaza.
Kugeza ubu Hezbollah yugarijwe bikomeye n’ibitero by’ingabo za Israel, bimaze guhitana benshi mu bayobozi bakuru b’uwo mutwe.
