Nyuma y’imyaka 15 itagaragara muri Formula 1, uruganda rwa Toyota rwamaze gusubira muri iri siganwa rya mbere ku Isi mu gusiganwa ku modoka.
Mu itangazo ryashyizwe hanze, rivuga ko nk’ibisanzwe Toyota izajya irebana n’ibijyanye no gukora imodoka n’uburyo izajya igaragara (design), mu gihe Haas (twakwita ikipe) izaba irebana n’ubunararibonye mu bya tekinike ndetse n’igice cy’ubucuruzi.
Muri iri siganwa, imodoka za Haas zizajya zigaragaraho ibirango bya Toyota ndetse biratangirana n’iriteganyijwe tariki ya 18-20 Ukwakira 2024, aho rizabera Austin muri leta ya Texas muri Leta Zunze Ubumwe za Amerika.
