Umugore witwa Lauren Pisciotta wahoze ari umukozi wa Kanye West, yashinje uyu muhanzi kumusambanya ku gahato mu birori byategurwaga na Sean “Diddy” Combs [P.Diddy] uri mu buroko.
Bivugwa ko uyu mugore usanzwe ari umunyamideli yajyanye ikirego mu nkiko avuga ko Kanye West yamufashe ku ngufu, nyuma yo kumuha ikiyobyabwenge atazi ubwoko bwacyo.
Lauren Pisciotta yajyanye Kanye West mu nkiko amushinja ko yamufashe ku ngufu mu 2019 mbere y’uko batangira gukorana.
Mu mpapuro yagejeje mu rukiko rwa Los Angeles, yanavuze ko ibi bifite aho bihuriye n’umuraperi P.Diddy na we ufunze akurikiranyweho ibirego byo gusambanye abagore ku ngufu gusa.
Icyakora Lauren yavuze ko ibyamubayeho ubwo Kanye West yamuhohoteraga nta ruhare P. Diddy yabigizemo.
Lauren Pisciotta yavuze ko mu 2019 Kanye West yamutumiye mu birori byabereye mu nyubako ya Studio ya P.Diddy gusa ngo akihagera Kanye yamuhaye ikinyobwa yashyizemo ikiyobyabwenge atamenye izina, maze acika intege.
Yakomeje avuga ko muri ibi birori ariho Kanye West yamufatiye ku ngufu. Hashize iminsi yahise amuha akazi akajya amuha umushahara ukubye kabiri mu rwego rwo kumucecekesha.
Gusa, Kanye West we ibi abyamagaranira kure akavuga ko ari ukumusebya.
Mu kirego cye avuga ko yagiye yakira amagambo mabi mu butumwa yandikirwaga na Kanye West. Uyu mugore anavuga ko Kanye West yigeze kwikinisha bari kumwe mbere yo gusinzira.
