Mu Mudugudu wa Bizenga,Akagari ka Kibogora Umurenge wa Kanjongo, habonetse umurambo w’umubyeyi uri mu kigero cy’imyaka 47 y’amavuko asanzwe mu mugezi wa Karundura.
Uyu mubyeyi witwa Nyirahirwa Dancilla w’imyaka 47, umurambo we wabonetse muri uyu mugezi kuri iki cyumweru tariki ya 13 Ukwakira 2024, ku isaha ya saa tatu n’igice za mugitondo.
Amakuru ducyesha UMUSEKE ni uko nyakwigendera yari yarashakanye n’umugabo ndetse babyaranye abana babiri b’abahungu, yari asanzwe acukura umucanga mu mugezi wa Karundura.
Umunyamabanga Nshingwabikorwa w’Umurenge wa Kajongo, Cyimana Kanyogote Juvenal yahamije ko uwo murambo wabonetse muri uwo mugezi,hakekwa ko yaba yarahubutse Ku kiraro cya Bizenga atashye agwa mu mugezi.
Ati”Amakuru niyo uwasanzwe mu mugezi yitwa Nyirahirwa Dancilla w’imyaka 47 Twihanganishije umuryango wagize ibyago, hakekwa ko yaba yarahubutse Ku kiraro ari gutaha akagwa mu mugezi“.
Juvenal yasabye abaturage kwambuka imigezi babanje kugenzura neza ko nta nkomyi ihari, cyangwa ikindi kintu cyabateza impanuka.
