Myugariro Buregeya Prince uheruka gutandukana na APR FC, yerekeje muri AS Kigali asinya amasezerano y’umwaka umwe.
Buregeya nta kipe yari afite kuva muri Kamena ubwo yatandukanaga na APR FC yari amazemo imyaka irindwi.
Buregeya Prince yerekeje muri AS Kigali nyuma yo kujya muri Al-Nasiriya yo mu Cyiciro cya Kabiri muri Iraq bidakunze.
Uyu mukinnyi yiyongereye kuri Bukuru Christophe wanyuze mu makipe atandukanye yo mu Rwanda arimo APR FC, Rayon Sports, Mukura ndetse na Rutsiro FC yaherukagamo akaba yarasinye umwaka umwe.
Ubwo Shampiyona izasubukurwa mu mpera z’icyumweru, AS Kigali izakira Vision FC ku wa Mbere, tariki 21 Ukwakira 2024 mu mukino w’umunsi wa gatandatu.
