Israel yatangaje ko yivuganye Hashem Safieddine, umunyedini ukomeye mu rwego rw’ishyaka rya Hezbollah, wari witezweho gusimbura Hassan Nasrallah.
Nk’uko byatangajwe, Safieddine yishwe mu ntangiriro z’uku kwezi mu gitero cy’indege cyagabwe mu majyepfo ya Beirut nyuma gato y’iyicwa ry’uwahoze ari umuyobozi wa Hezbollah, Hassan Nasrallah.
Nta makuru yahise yemezwa n’uyu mutwe w’abarwanyi ku byerekeye iherezo rya Safieddine nk’uko tubikesha Euronews.
Iyi gitero cyaguyemo Saffieddine cyanahitanye abandi bayobozi 25 ba Hezbollah, nk’uko Israel ibitangaza. Ibitero by’indege mu majyepfo ya Liban mu mezi ashize byahitanye benshi mu bayobozi bakuru ba Hezbollah.
Ku wa Kabiri, Umujyi wa Beirut aho Safieddine yiciwe hagabwe igitero cy’indege gishya, aho kimwe kibasiye inyubako y’igorofa Israel yavuze ko irimo ibikoresho bya Hezbollah.
Mu cyumweru gishize, Israel yishe Yahya Sinwar, umwe mu bayobozi bakuru ba Hamas akaba n’uwateguye igitero byo ku itariki ya 7 Ukwakira 2023 muri Israel, cyateje intambara ikomeye mu imaze umwaka muri Gaza.
Nyuma y’amasaha make Sinwar yishwe, abayobozi b’amahanga bongeye gusaba ko bahagarika imirwano, bavuga ko urupfu rwe rwatanze amahirwe mashya yo gukomeza ibiganiro.
