Umutoza w’amakipe y’Igihugu ya Basketball mu bagabo n’abagore y’abakina ari batatu, Moïse Mutokambari, yahamagaye abakinnyi azifashisha mu Mikino Nyafurika ya “FIBA 3×3 Africa Cup 2024” izabera muri Madagascar kuva ku wa 29 Ugushyingo kugeza ku wa 1 Ukuboza 2024.
Kuri uyu wa Kane tariki 14 Ugushyingo 2024, ni bwo Ishyirahamwe ry’Umukino wa Basketball mu Rwanda (FERWABA) ryashyize hanze urutonde rw’abakinnyi bahamagawe n’umutoza Moïse Mutokambari.
Mu bagabo abahamagawe ni: Turatsinze Olivier, Ngabonziza Patrick, Uwitonze Justin, Twizeyimana Cyiza Chandelier, Muhoza Fabrice, Kwizera Hubert Sage.
Mu bagore hahamagawe: Dusabe Jane, Akariza Nelly, Uwimpuhwe Violette, Tumukunde Oliviette, Sifa Ineza Joyeuse, Nibishaka Brigitte.
Biteganyijwe ko iminsi ya vuba, abakinnyi bahamagawe batangira umwiherero bitegura iri rushanwa.
Iri rushanwa Nyafurika rizitabirwa n’ibihugu birimo Benin, Satarafurika, Comoros, Misiri, Kenya, Liberia, Morocco, Afurika y’Epfo, Uganda, Algeria, Maurtania, Seychelles, u Rwanda na Madagascar yakiriye.
Mu 2022, ubwo u Rwanda ruheruka kwitabira iri rushanwa rwegukanye umudali w’umuringa, mu mikino yabereye mu Misiri.
