Abadepite bo muri Koreya y’Epfo batangiye inzira yo kweguza Perezida Yoon Suk Yeol nyuma yo kuburizamo icyemezo cye cyo gutangaza ibihe bidasanzwe mu gihugu.
Perezida yari yavuze ko hakenewe gutangazwa martial law (Guverinoma ya gisirikare no kwirengagiza amategeko asanzwe) kugira ngo birinde igihugu “ingabo z’abakomunisiti za Koreya ya Ruguru” no “gukuraho abantu barwanya leta”.
Ariko nyuma y’amasaha atarenze abiri atangajwe, abadepite basuzuguye perezida, bateranira mu Nteko ishinga amategeko kandi batora guhagarika icyemezo cye nk’uko iyi nkuru dukesha BBC ivuga.
Hanze y’inteko, hari amakimbirane hagati y’abapolisi n’abigaragambyaga, aho bamwe baciye kuri bariyeri cyangwa burira uruzitiro kugira ngo binjire mu nyubako.
Abigaragambyaga bari bateraniye hanze y’inteko ishinga amategeko kugira ngo bamagane itangazwa ritunguranye ry’ubutegetsi bwa gisirikare nyuma na none bizihije impinduka na none zitunguranye zahise zihagarika icyo cyemezo.
Ntabwo ari ubwa mbere Perezida wa Koreya y’Epfo ahura n’ikibazo cyo kweguzwa muri iki gihugu kibona nka demokarasi itera imbere, igezweho mu karere.
