Nyuma yo gusoza imikino ibanza ya shampiyona mu mukino wa Volleyball, iyo kwishyura igiye gukinwa mu mpera z’iki Cyumweru.
Shampiyona y’icyiciro cya mbere muri Volleyball mu bagabo n’abagore, ni imwe muri shampiyona zikunzwe na benshi mu bakunzi ba siporo mu Rwanda. Ni yo mpamvu Ishyirahamwe ry’uyu mukino mu Rwanda, ryahisemo imikino izajya ikinwa mu mpera z’icyumweru abantu batangiye ikiruhuko.
Ni muri urwo rwego, imikino yo kwishyura, izatangira ku wa gatanu wa tariki 17 Mutarama 2025. Hateganyijwe imikino ibiri yose izabera muri petit stade. Kepler WVC izakina na RRA WVC Saa kumi n’imwe z’amanywa mu cyiciro cy’abagore, mu gihe mu bagabo hazakina Police VC na REG VC Saa moya z’ijoro.
