Kuri uyu wa Gatanu tariki 24 Mutarama 2025, nibwo tombola y’igikombe cy’Amahoro yabaye ibera ku biro bya FERWAFA i Remera ku isaha ya saa tanu n’igice z’amanwa nibwo yatangiye.
Amakipe 16 niyo yageze muri 1/8 cy’igikombe cy’Amahoro. Muri aya makipe harimo 8 atarakinnye amajonjora y’ibanze ndetse n’andi 8 yabashije gukomeza harimo 4 akina icyiciro cya Kabiri.
Amakipe akomeye arimo Rayon Sports, APR FC ndetse na Police FC ziri mu zatomboye ariko umukino ukomeye uri muri iki cyiciro ni ugomba guhuza ikipe ya Musanze FC na APR FC.
Indi mikino ikomeye harimo ugomba guhuza ikipe ya Rayon Sports n’ikipe ya Rutsiro FC, umukino ubanza uzabera mu karere ka Rubavu kuri Sitade Umuganda aho iyi kipe yakirira imikino yayo.
Indi mikino, ikipe ya Amagaju FC izabanza kwakira ikipe ya Bugesera FC, AS Kigali yatomboye ikipe ya Vision FC, AS Muhanga tombola Gasogi United, City Boys itombora Gorilla FC, Intare FC yatomboye Mukura VS naho ikipe ya Police FC yisanga izabanza kujya Nyanza.
Amakuru ahari ni uko imikino ibanza ya 1/8 biteganyijwe ko izaba muri Gashyantare tariki 11 ndetse na 12.
