Bamwe mu basirikare ba FARDC batangiye guhungira mu Rwanda, abarenga 20 binjiye ku mupaka bitwaje imbunda zirimo n’amasasu, bazishyikiriza Ingabo z’u Rwanda.
Ni mugihe abakozi b’Umuryango w’Abibumbye (LONI) barimo n’abari mu butumwa bwo kugarura amahoro muri Repubulika Iharanira Demokarasi ya Congo (RDC) bakoreraga i Goma ndetse n’imiryango yabo, bafashe imodoka ziberekeza i Kigali aho bari buze gufashirizwa kubona amacumbi mbere yo gushakirwa uburyo bajya i Kinshasa.
U Rwanda ni rwo ruri bubafashe kubakira no kubageza i Kigali, hanyuma ibijyanye n’amahoteli n’ibindi, byitabweho na Loni hamwe na Monusco.
Hagati aho, amasasu menshi yongeye kumvikana mu bice byegereye umupaka w’u Rwanda.
