Nyuma y’uko Igisirikare cya Afurika y”Epfo (SANDF) cyemeje nimugoroba urupfu rw’abasirikare icyenda. Babiri babarizwa muri MONUSCO, naho barindwi bari mu butumwa bwa SADC bwatangiye mu Kuboza 2023, abatavuga rumwe n’ubutegetsi basanga izi ngabo zikwiye gutaha kuko zoherejwe zitateguwe
Kohereza abo basirikare bagera ku 3.000 muri DRC byari byabanje kunengwa cyane mu baturage bo muri Afurika y’Epfo ndetse n’amashyaka menshi atavuga rumwe n’ubutegetsi, bemeza ko ingabo z’igihugu zidafite ibikoresho bihagije bijyanye n’igihe.
Kunenga byagarutse kuri iki Cyumweru, itariki 26 Mutarama 2025. Ishyaka Democratic Alliance (AD) ribarizwa muri guverinoma y’ubumwe bw’igihugu, ariko ritemera politiki y’igisirikare cy’igihugu, ryamagana ingengo y’imari “yanizwe”, bituma abasirikare batabona imyitozo ihagije ndetse n’ibikoresho bishaje. Ku wa Gatandatu, ryahamagariye kuvana ingabo za Afurika y’Epfo muri DRC.
Ihuriro ry’abasirikare (SANDU) naryo ryamaganye mu itangazo rigenewe abanyamakuru kuba nta mucyo uva mu gisirikare ku bijyanye n’ibibazo n’igihombo muri DRC. “Kutubaha” abasirikare bapfiriye ku rugamba, nk’uko babivuga, bishyira icyasha ku cyizere igisirikare gifitiwe.
