Ikipe ya Rayon Sports nyuma y’ibihano yahawe na FIFA, ntabwo yemerewe kwandikisha abakinnyi.
Tariki 25 Mutarama 2025, nibwo ishyirahamwe ry’umupira w’amaguru hano mu Rwanda FERWAFA ryamenyesheje ikipe ya Rayon Sports ko itemerewe kwandikisha abakinnyi nyuma yibaruwa bari noherejwe ivuye mu ishyirahamwe ry’umupira w’amaguru ku isi FIFA ibasaba kumenyesha Rayon Sports.
Iyi baruwa yavuga ko ikipe ya Rayon Sports itemerewe kwandikisha abakinnyi kubera ikirego cya Haringingo Francis urimo kwishyuza iyi kipe amafaranga agera kuri Million 9 n’ibihumbi 5 yagiye bamurimo ubwo yatozaga ikipe ya Rayon Sports sezo 2021-2022.
Ibi byemejwe ku munsi w’ejo hashize tariki 26 Mutarama 2025 na Twagirayezu Thadeé avuga ko ikipe ya Rayon Sports yahawe ibihano byo kutandikisha abakinnyi ariko bagiye gushaka uko bishyura vuba bagakurirwaho ibi bihano bahawe na FIFA.
FIFA ivuga ko Rayon Sports ibaye ihagaritswe kugeza yishyuye aya mafaranga ibereyemo Haringingo Francis Christian Mbaya wafashije iyi kipe gutwara igikombe cy’Amahoro urimo gutoza ikipe ya Bugesera FC kugeza ubu.
Ikipe ya Rayon Sports nubwo yahuye n’izi nsaganya ariko n’ubundi iracyarimo gushaka abakinnyi ndetse amakuru avuga ko vuba iratangira gutangaza abakinnyi yamaze gusinyisha nyuma y’ibiganiro bitandukanye barimo kugirana nabo.
Rayon Sports ikomeje kwitegura umukino w’igikombe cy’Intwari izakinamo n’ikipe ya Police FC tariki 28 Mutarama 2025, kuri uyu wa Kabiri saa kumi n’ebyiri z’umugoroba kuri Kigali Pele Stadium.
