FERWAFA yahaye gasopu KNC uherutse gutangaza ko agiye gukura Gasogi United abereye Perezida muri shampiyona.

Hashije iminsi mike umuyobozi wa gasogi,Kakooza Nkuliza Charles uzwi nka KNC, atangaje ko ikipe ya Gasogi United abereye Perezida agiye kuyisesa, kubera kutishimira imisifurire.

Umunyamabanga wa FERWAFA, Kalisa Adolphe ‘Camarade’, yatangaje ko Gasogi United itemerewe kwivana muri Shampiyona mu gihe itarasubizwa n’uru rwego ko yemerewe gusezerwa mu marushanwa.

Mu kiganiro Camarade yagiranye na Fine FM dukesha iyi nkuru, yagize ati “Gasogi United ntiyemerewe kwikura muri Shampiyona mu gihe itarasubizwa na FERWAFA ko isezeye mu marushanwa, igomba kwitabira ibikorwa byose n’imikino bitenganyijwe.”