Muri abo bapfuye, Brig-Gen Mohammad Reza Zahedi, umuyobozi mukuru w’ingabo zidasanzwe za Quds, na Brig-Gen Mohammad Hadi Haji-Rahimi, umwungirije, ni bo bavuzwe mu bapfuye.
Guverinoma za Iran na Syria zamaganye icyo gitero cyasenye inyubako yari ituranye na ambasade ya Iran nk’uko iyi nkuru dukesha BBC ivuga.
Igisirikare cya Israel cyavuze ko ntacyo cyavuga ku makuru yatangajwe mu bitangazamakuru byo hanze
Icyakora, cyemeye kugaba ibitero amagana mu myaka yashize muri Syria ku birindiro ivuga ko bifitanye isano na Iran n’imitwe yitwaje intwaro iterwa inkunga kandi itozwa n’Ingabo za Iran.
Bivugwa ko ibitero bya Israel byongerewe ingufu kuva intambara yatangira muri Gaza mu Kwakira umwaka ushize, mu rwego rwo guhangana n’ibitero byambukiranya imipaka byagabwe mu majyaruguru ya Israel na Hezbollah n’indi mitwe ishyigikiwe na Iran muri Liban na Syria.
