Ni amakuru yemejwe ’abategetsi bo muri Amerika bemeje ko Ukraine yatangiye gukoresha ibisasu bya misile biraswa mu ntera ndende byo mu bwoko bwa ’ballistic’ yahawe n’Amerika mu ibanga, ibirasa ku basirikare b’Uburusiya bayiteye.
Izo ntwaro ziri muri gahunda y’imfashanyo ya gisirikare ya miliyoni 300 z’amadolari yemejwe na Perezida w’Amerika Joe Biden muri Werurwe (3) uyu mwaka, zikaba zarageze muri Ukraine muri uku kwezi kwa Mata (4).
Ibitangazamakuru byo muri Amerika bivuga ko izo ntwaro zamaze gukoreshwa nibura inshuro imwe mu kurasa ku hantu higaruriwe n’Uburusiya mu mwigimbakirwa wa Crimea.
Biden ubu yamaze gushyira umukono ku yindi mfashanyo ya miliyari 61 z’amadolari igenewe Ukraine.
Ni umushinga wari umaze igihe ugibwaho impaka n’inteko y’abasenateri ndetse n’abadepite.
