Mvukiyehe Juvénal yambuwe ubunyamuryango bwa Kiyovu Sports by’abateganyo kubera kutubahiriza amategeko shingiro n’amategeko ngengamikorere yayo.
Nkurunziza David Umuyobozi Mushya wa Kiyovu Sports yandikiye Mvukiyehe, yavuze ko amakosa uyu mugabo ashinjwa arimo gushora ikipe mu manza z’umurengera, gucamo ibice abanyamuryango no kwangiza umutungo wawo.
Mu myaka itatu Mvukiyehe yayoboye Kiyovu Sports yagaragaje imbaraga zikomeye mu kubaka ikipe ndetse ihatanira Igikombe cya Shampiyona mu myaka ibiri ariko bikarangira kiyiciye mu myanya y’intoki.
Uyu mugabo yasoje nabi ibihe bye mu Urucaca kuko yasize iyi kipe mu manza zikomeye ndetse no gushyirwa mu bihano na FIFA kubera kutishyura abakinnyi n’ibindi byinshi ari nabyo byashingiweho yamburwa ubunyamuryango by’agateganyo.
