Ikipe y’Igihugu y’u Rwanda “Amavubi” yagumye ku mwanya wa 131 ku rutonde rw’Ishyirahamwe ry’Umupira w’Amaguru ku Isi (FIFA) rwasohotse kuri uyu wa Kane, tariki ya 20 Kamena 2024.
Mu kwezi kwa Mata, Ikipe y’u Rwanda yamutseho imyanya ibiri iva ku mwanya wa 133 igera ku mwanya wa 131 n’amanota 1112.44 ku rutonde rwa FIFA.
Ibihugu 10 bya mbere muri Afurika ni Maroc (ya 12), Sénégal (18), Misiri (36), Côte d’Ivoire (37) Nigeria (38), Tunisia (41), Algeria (44), Cameroun (49), Mali (50), Cameroun (51), Afurika y’Epfo (59).
Portugal, u Buholandi, Espagne, Croatia n’u Butaliyani biri mu bihugu 10 bya mbere aho bikurikiwe na Leta Zunze Ubumwe za Amerika na Maroc ya mbere muri Afurika.
Mu bihugu bituranye n’u Rwanda, Repubulika Iharanira Demokarasi ya Congo ni iya 61 yazamutse imyanya ibiri, Uganda (94 yamanutse imyanya ibiri), Kenya (ni iya 108 yamanutse umwanya umwe), Tanzania (ya 114 yazamutse imyanya itanu) n’u Burundi bwa 140.
