Lewis Hamilton ukinira Mercedes Benz mu mukino wo gusiganwa mu modoka nto wa Formula 1, yasoje umwaka ushize yitwara nabi ndetse bikomerezaho no muri uyu wa 2024.
Mu mpera z’icyumweru nibwo hakinwe rimwe mu masiganwa agize umwaka w’imikino wa Formula 1, aho ryabereye mu muhanda ureshya na Kilometero 4 mu mujyi wa Barcelone muri Espagne.
Lewis Hamilton abaye uwa kabiri mu gihe ku Cyumweru yabaye uwa gatatu inyuma ya Max Verstappen wa mbere na Lando Norris wa kabiri.
Kwitwara neza bikurikiye ibyo uyu mugabo aherutse gutangaza mbere y’uko akina, agaragaza ko atifuza kuva muri Mercedes Benz atitwaye neza kandi yaramufashije kwandika amateka.
Isiganwa ritaha rizakinirwa muri Autriche ku Cyumweru, tariki ya 30 Kamena 2024.
