Chella uri mu bahanzi bagezweho muri Nigeria kubera indirimbo Nyash na Nyash iri kubica bigacika muri iyi minsi, ndetse n’itisnda rya T&C rigezweho mu kuvanga imiziki muri Afurika y’Epfo, bari bategerejwe i Rubavu mu bitaramo byateguwe na DJ Marnaud, byarangiye batahageze.
Mu magambo ye ubwo yari ku rubyiniro, DJ Marnaud yakomeje kwibutsa abitabiriye iki gitaramo ko gikomeza ku wa 1 Nyakanga 2024 ndetse akibibutsa ko ari bwo bari bubone aba banyamuziki yatumiye mu gihe kwinjira yabigize ubuntu.
Ku rundi ruhande ariko, abitabiriye ibi birori bagaragaje kutishimira ko aba banyamuziki batigeze baboneka. uretse aba banyamuziki bari batumiwe na DJ Marnaud undi wari utegerejwe utahagaragaye ni DJ Toxxyk mu gihe abacuranze barimo DJ Brianne, DJ Kelly na DJ Inno.
