Umuyobozi w’ishyaka ritavuga rumwe n’ubutegetsi muri Tunisia, Lotfi Mraihi, yatawe muri yombi na polisi akekwaho kunyereza amafaranga.
Umuvugizi w’urukiko muri Tunisia yavuze ko Mraihi akurikiranweho icyaha cyo kunyereza amafaranga no gufungura amakonti muri banki zo mu mahanga nta ruhushya rutangwa na banki nkuru afite.
Ifatwa rya Mraihi rije mu gihe amashyaka atavuga rumwe n’ubutegetsi, benshi mu bayobozi bayo bari muri gereza, bashinja guverinoma ya Saied ko yashyize igitutu ku bucamanza kugira ngo bukurikirane abahanganye na Saied mu matora yo mu 2024 no kumuharurira inzira yo gutsinda manda ya kabiri.
