Uwahoze ari umunyamakuru wa radio Okapi yisangiye umutwe wa M23 nk’uko byemejwe n’umuvugizi w’uyu mutwe mu bya gisirikare Lt.Col Willy Ngoma.
Umunyamakuru w’icyamamare muri Repubulika ya demokarasi ya Congo, uzwi ku mazina ya Magloire Paluku.
Uyu munyamakuru yanahoze ari umujyanama wa Ceni Abbé Malu Malu, na Corneille Nangaa, mu byitumanaho mu gihe bari ku mwanya w’ubuyobozi bwa Komisiyo y’amatora muri Congo.
Lt Col Willy Ngoma yabitangaje abinyujije ku mbuga nkoranya mbaga, kuri uyu wa Kabiri tariki ya 09/07/2024, bugira buti: “Ari hano, turikumwe nawe, kandi yadusanze kimwe n’abandi Banye-kongo badusanga.”
Lt Col Ngoma ntiyagaragaje igihe uyu munyamakuru yabagereyeho, ariko amakuru y’ukuri n’uko uyu munyamakuru yamaze kugera muri M23 aho agiye kwifatanya nayo ku rwanya ubutegetsi bwa Kinshasa.
