AMAHANGA

Perezida William Ruto, yavuze ko kuri iyi nshuro amazi atakiri ya yandi, yiteguye kuburizamo imyigaragambyo y’urubyiruko rwo muri Kenya ku kiguzi bizasaba cyose. Ukwezi kugiye kwihirika muri Kenya hari kubera imyigaragambyo ikomeje gupfiramo benshi, abayikora bakangiza ibikorwaremezo uko bishakiye. Intandaro yabaye umushinga w’itegeko ryongera imisoro kugira ngo Kenya ifite isinzi ry’imyenda ibereyemo amahanga yishyure, ariko […]

Mu gihe Abanya-Uganda bateguje ko kuri uyu wa 23 Nyakanga 2024 bari bukore imyigaragambyo ikomeye berekeza ku ngoro y’Inteko Ishinga Amategeko, Leta yohereje abapolisi n’abasirikare mu bice by’ingenzi bya Kampala kugira ngo bazayikumire. Iyi myigaragambyo ni igitekerezo cyakomotse ku yabereye muri Kenya kuva muri Kamena 2024, aho abiganjemo urubyiruko bateye Ingoro y’Inteko, bagatwika igice cyayo.

Guverinoma nshya y’u Bwongereza yateguje ko muri iki cyumweru iteganya guha ubuhungiro abimukira benshi binjiye muri iki gihugu mu buryo butemewe n’amategeko, biganjemo abaturutse mu bihugu birimo umutekano nk’u Buhinde, Vietnam n’ibindi. Guverinoma y’u Bwongereza n’iy’u Rwanda zari zaragiranye amasezerano yo kohereza abimukira i Kigali. Abarebwaga n’iyi gahunda ni abageze mu Bwongereza kuva muri Mutarama

Leta ya Repubulika Iharanira Demokarasi ya Congo n’umutwe wa M23, kuva kuri uyu wa Mbere tariki ya 22 Nyakanga batangiye ibiganiro by’ibanga bigamije guhosha amakimbirane amaze imyaka irenga ibiri hagati y’impande zombi. Ni ibiganiro biri kubera i Kampala muri Uganda ku buhuza bwa Perezida Yoweri Kaguta Museveni na Uhuru Kenyatta wahoze ayobora Kenya, akanaba umuhuza

Abasirikare n’Abapolisi bazengurutse Icyicaro Gikuru cy’Ishyaka rya Hon. Robert Kyagulanyi, uzwi nka Bobi Wine muri muzika, mu rwego rwo kuburizamo umugambi w’imyigaragambyo bivugwa ko iri gutegurwa n’abamushyigikiye. Robert Kyagulanyi uzwi nka Bobi Wine w’imyaka 42, winjiye muri politike mu myaka yashize ahangana cyane na Perezida Yoweri Museveni w’imyaka 79, wayoboye Uganda kuva mu 1986. Izi

Nk’uko byatangajwe n’umuyobozi w’agateganyo ushinzwe itumanaho muri perezidansi, Sharifa Nyanga, Perezida wa Tanzania, Samia Suluhu Hassan, yakuyeho abaminisitiri babiri bakomeye ku Cyumweru mu mavugurura yakoze muri guverinoma. Kwirukanwa kwa Minisitiri w’ububanyi n’amahanga, January Makamba na Minisitiri w’itangazamakuru, itumanaho n’ikoranabuhanga, Nape Nnauye byaje mu gihe hari ibihuha bivuga ko bateguraga rwihishwa kurwanya gushaka kongera gutorwa kwa

Raporo nshya y’Ishami ry’Umuryango w’Abibumbye ryita ku Buzima (OMS) igaragaza ko nubwo Afurika ifite 3% by’imodoka ziri ku Isi yose, uyu Mugabane ari wo wibasiwe n’imfu zikomoka ku mpanuka zo mu mihanda mu myaka 14 ishize, ndetse ko abantu bagera ku bihumbi 250 baguye muri izo mpanuka mu 2021 gusa. Ibi OMS yabitangaje ku wa

Urubyiruko rw’abakorerabushake rw’i Beni mu Ntara ya Kivu y’Amajyaruguru rwiyemeje gufata intwaro rukagana ku mirongo y’urugamba guhangana n’umutwe wa M23 ukomeje gukinagiza ingabo za Leta ya Congo n’abafatanyabikorwa bayo. Kuva ku wa Gatanu, urubyiruko rugera ku magana ruri muri Stade yo mu gace ka Ngongolio i Beni aho rutegerereje imyitozo ya gisirikare. Ruvuga ko rwahisemo

Perezida w’u Burundi Varisito Ndayishimiye yikomye abaturage be bandikirana ubutumwa bugufi bwa “Cherie na Chouchou” kuri telefone zigezweho (Smart Phones) avuga ko ku bwe zikwiriye kumeneka kuko iyo internet iba ipfa ubusa. Ibi umukuru w’Igihugu cy’u Burundi yabigarutseho ubwo yasuraga abaturage maze akabatera igiparu cy’uko amaze gukataza mu bumenyi acyesha internet n’ubwo igenda nk’akanyamasyo mu gihugu

Abantu basaga 400 barimo abahagarariye ibihugu byabo n’imiryango mpuzamahanga ikorera muri Senegal, abayobozi mu nzego zinyuranye muri Senegal, Abanyarwanda n’inshuti z’u Rwanda batuye muri Senegal, bitabiriye ibirori byo kwizihiza Isabukuru y’imyaka 30 u Rwanda rumaze rubohowe. Ibyo birori byibanze ku kugaragaza ubumwe n’ubudaheranwa by’Abanyarwanda nyuma ya Jenoside yakorewe Abatutsi mu 1994 no kwishimira iterambere ry’ubukungu