AMAKURU

Musengamana Beata wamenyekanye cyane mu ndirimbo ‘Azabatsinda Kagame’. Yahawe inzu nshya yubakiwe n’Umuryango wa FPR Inkotanyi mu Karere ka Kamonyi. Uyu mubyeyi w’abana batatu atuye mu Murenge wa Nyamiyaga mu Karere ka Kamonyi, yishimira ko yubakiwe inzu nziza ndetse agiye no korozwa inka. Iyi ndirimbo ye, “Azabatsinda Kagame” ni imwe mu zakoreshejwe mu bikorwa byo […]

Urukiko Rwisumbuye rwa Muhanga rwanzuye ko Ubujurire bwa Musonera Germain uregwa Jenoside, nta shingiro bufite, rutegeka ko akomeza kuburana afunzwe. Ni nyuma yuko Urukiko rw’ibanze rwa Kiyumba ruherereye mu Karere ka Muhanga, rukatiye Musonera Germain igifungo cy’iminsi 30 y’agateganyo. Musonera Germain uregwa uruhare muri Jenoside yakorewe abatutsi mu 1994, yahise ajuririra Urukiko Rwisumbuye rwa Muhanga

Urego rw’Igihugu rw’Ubugenzacyaha, RIB rwavuze ko rufunze Padiri Katabogama Phocas akurikiranyweho gusambanya umwana w’umukobwa wo ku ishuri ayobora. Tariki ya 09 Ukwakira, 2024 nibwo RIB yafunze Padiri Katabogama Phocas, Umuyobozi wa Lycée de Rusumo ishuri riherereye mu Karere ka Kirehe, mu Murenge wa Nyamugari. Arakekaho icyaha cyo gusambanya umwana w’umkobwa w’imyaka 15 wiga kuri iryo

Minisiteri y’Ubuzima yatangaje ko abantu batatu bakize indwara ya Marburg, bituma umubare w’abayikize muri rusange ugera kuri 15, mu gihe ibipimo byafashwe kuri uyu wa Kane ari 183, bituma ibipimo bimaze gufatwa muri rusange bigera kuri 2949. Kuri uyu munsi nta muntu witabye Imana azize Marburg, ibituma umubare wabo uguma kuri 13 mu gihe abari

Kuri uyu wa Gatatu Minisitiri w’Ububanyi n’Amahanga, Amb. Olivier Nduhungirehe, yahagarariye u Rwanda mu gusinya masezerano 12 y’imikoranire na Guinea-Conakry, mu nzego zinyuranye zirimo ubukerarugendo, ubuhinzi, ingufu, guteza imbere ibyoherezwa mu mahanga, guteza imbere ibyanya byahariwe inganda n’ibindi. Ku ruhande rwa Guinea-Conakry, aya masezerano yashyizweho umukono na Minisitiri w’Ububanyi n’Amahanga w’iki guhugu Dr. Morissanda Kouyate.

Perezida Paul Kagame yavuze ko u Rwanda ruri gukora ibishoboka byose ngo ruhangane n’ikwirakirwa rya virusi ya Marburg imaze iminsi yibasiye igihugu. Ibijyanye n’uko iki cyorezo giterwa na virusi ya Marburg gihagaze mu gihugu Perezida Kagame yabigarutseho kuri uyu wa Gatatu ubwo yatangizaga inama ya Biashara Afrika igamije guteza imbere ubucuruzi n’ubuhahirane hagati y’ibihugu bya

Muri Kigali Convention Centre hatangijwe Inama ya kabiri y’Ihuriro ry’Ubukungu rigamije kwihutisha ishyirwa mu bikorwa ry’Isoko Rusange rya Afurika (AfCFTA Business Forum), izwi nka Biashara Afrika. Biteganyijwe ko iyi nama itangizwa na Perezida Kagame, ikaba ihurije hamwe abantu basaga 1,200 barimo abashoramari, abayobozi mu nzego zifata ibyemezo, inzobere mu bucuruzi mpuzamahanga n’abandi bahagarariye ibihugu byabo.

Undi muntu umwe yitabye Imana azize indwara ya Marburg mu Rwanda, aba uwa 13 iki cyorezo kimaze guhitana, mu gihe abamaze kugikira bageze kuri 12. Imibare mishya yatangajwe na Minisiteri y’Ubuzima kuri uyu wa 08 Ukwakira 2024, igaragaza ko kugeza ubu hamaze kugaragara abantu 58 banduye iyi ndwara, barimo babiri bagaragaye kuri uyu munsi, aho

Ikigo kimenyerewe mu gutwara abagenzi mu buryo bwa rusange hifashishijwe bisi zikoresha amashanyarazi, BasiGo, cyamuritse bisi nshyashya ebyiri zerekeza mu ntara aho ari ubwa mbere izi modoka zigiye kwerekeza mu Ntara zitandukanye z’u Rwanda. Imodoka zamuritswe kuri uyu wa 8 Ukwakira 2024, zije ziyongera ku zindi enye zari zisanzwe zikorera mu bice bitandukanye bya Kigali,

Hakuzimana Abdoul Rachid waregwaga n’Ubushinjacyaha ibyaha bitandukanye birimo gupfobya Jenoside yahamijwe ibyaha byose aregwa akatirwa igifungo cy’imyaka 7. Mu mwaka wa 2022 nibwo Hakuzimana Abdoul Rachid yashinze televiziyo kuri YouTube aho yanatambutsagaho Ibiganiro birimo imvugo zatumye, akekwaho ibyaha muri ibyo biganiro byemezaga ko mu Rwanda habaye jenoside ebyiri bigoreka amateka, akanavuga ko kwibuka jenoside yakorewe